काठमाडाैं । कर्मचारी सञ्चय कोषले जलविद्युत परियाेजनाका लागी मात्र ६० अर्ब रूपैयाँ लगानी गरेकाे छ। ६२ वर्षमा प्रवेश गरेकाे काेषले गत आर्थिक वर्ष २०७९/८० काे असार मसान्तसम्ममा १२ वटा ठूला जलविद्युत आयाेजनाहरुमा ६० अर्ब रुपैयाँ लगानी गरेकाे हाे ।
यसैगरी काेषले १६ वटा बैंक तथा वित्तीय संस्थामा १० अर्ब रूपैयाँ लगानी गरेकाे छ। भाैतिक पूर्वाधारका क्षेत्रमा २० वटाभन्दा बढी ठूला विकासे आयोजनामा करिब २७ अर्ब बराबर रूपैयाँ लगानी गरेको काेषका प्रशासक जितेन्द्र धितालले जानकारी दिएका छन्।
गत आर्थिक वर्ष २०७९/८० सम्ममा कोषको कुल पाँच खर्ब १२ अर्ब चार करोड रूपैयाँ बराबरको स्रोत रहेकामा पाँच खर्ब तीन अर्ब ७४ करोड रूपैयाँ बराबर लगानी गरेकाे छ। काेषमा गत आवसम्म २७ हजार छ सय कार्यालयका पाँच लाख ८२ हजार योगदानकर्ता छन्।
