काठमाडौं । नेपालमा थप २ सय १३ जनामा कोरोना संक्रमित थपिएका छन् । स्वास्थ्य तथा जनसङख्या मन्त्रालायको नियमित ब्रिफिङमा मन्त्रालयका प्रवक्ता डा. विकास देवकोटाले यस्तो जानकारी दिएका हुन् ।
स्वास्थ्य तथा जनसङख्या मन्त्रालयका प्रवक्ता डा. देवकोटाको अनुसार दुई सय ९ जना पुरुष र चारजना महिलामा संक्रमण देखिएको हो । योसँगै नेपालमा कोरोना संक्रमितको सङख्या ३ हजार ४ सय ४८ जना रहेका छन् । उनका अनुसार पछिल्लो २४ घण्टामा एक सय २ जना उपचारपछि निको भएर घर फर्किसकेका छन् ।
