काठमाडौं । पछिल्लो २४ घण्टामा ६ हजार ९३९ जना नयाँ कोरोना संक्रमित देखा परेका छन् । कुल संक्रमितको संख्या ५ लाख ४२ हजार २५६ पुगेको छ ।
स्वास्थ्य तथा जनसंख्या मन्त्रालयका अनुसार मुलुकभर २० हजार ९९२ जनाको पीसीआर–एन्टिजेन परीक्षणमा ६ हजार ९३९ जनामा कोरोना संक्रमण पुष्टि भएको हो ।
२० हजार ४१४ जनाको आरटी–पीसीआर परीक्षण गर्दा ६ हजार ७३१ र ५ सय ७८ जनाको एन्टिजेन परीक्षण गर्दा २ सय ८ जनामा कोरोना संक्रमण पुष्टि भएको हो ।
कोरोना संक्रमणबाट पछिल्लो २४ घण्टामा देशभर ७ हजार २२६ जना निको भएर घर फर्किएका छन् । थप १ सय ६ जना संक्रमितको मृत्यु भएको छ ।
