काठमाडौं । नेपाल स्टक एक्सचेन्ज (नेप्से)ले तारागाउँ रिजेन्सी होटल्समाथि कारबाही गर्दै शेयर कारोबार रोक्का गरेको छ।
नेप्सेले लाभांश घोषणासम्बन्धी निर्णय ढिलो गरी जानकारी गराएको भन्दै तारागाउँ रिजेन्सी होटल्समाथि कारबाही गर्दै सूचीकरण स्थगित गरेको हो। लाभांश घोषणासम्बन्धी निर्णय ढिला गरी पठाउनुको कारणबारे स्पष्टीकरण पेस गर्न नेप्सेले ३ कार्यदिनको समयसीमा दिएको छ।
नेप्सेको आज निर्णयबाट तारागाउँ रिजेन्सी होटल्सको शेयर कारोबार रोकिएको छ।
