काठमाडौं । जापानको शेयर बजार ३४ वर्षयताकै उच्च विन्दुमा पुगेको छ। योसँगै जापानको नेक्के इन्डेक्स कीर्तिमानी उचाइ नजिक पुगेको छ।
निक्के मंगलबार २.८९ प्रतिशतले बढेर ३७९६३.९७ को विन्दुमा बन्द भएको छ। जुन १९९० यताकै उच्च हो। मंगलबार इन्ट्राडे कारोबारमा भने निक्के ३८००० को स्तरसम्म पुगेको थियो।
सन् १९८९ मा जापानको शेयर बजारले हालसम्मै उच्च विन्दु चुमेको थियो। त्यतिबेला निक्के ३८९१५ को विन्दुमा बन्द भएको थियो।
मंगलबार बजार बढ्दा टोकियो इलेक्ट्रोनको शेयरभाउ सबैभन्दा बढी १३.३३ प्रतिशतले उकालो लागेको छ। सफ्टबैंक ग्रुप कर्पको शेयरभाउ पनि ६.२७ प्रतिशतले बढेको छ। निक्के २२५ इन्डेक्समा कारोबार भएका १९६ कम्पनीको शेयरभाउ बढ्दा २६ वटाको घटेको छ। –एजेन्सी
