काठमाडौं । नेपालको जलविद्युत क्षेत्रमा ७७ अर्ब रुपैयाँ लगानी स्वीकृति भएको छ । उक्त लगानी स्वीकृति भएसँगै बीमाको दायरामा बृद्धि हुने भएको छ । लगानी बोर्डको आइतबार बसेको बैठकले तीन ठूला जलविद्युत परियोजनाका लागि झण्डै ७७ अर्ब रुपियाँ लगानी स्वीकृत गरेको हो ।
बैठकले माथिल्लो त्रिशुली–१ का लागि ६५ अर्ब, मस्र्याङ्दीबेसीका लागि ११ अर्ब ७७ करोड ५४ लाख र त्रिशुली–३ ‘बी’का लागि आठ अर्ब २२ करोड लगानी स्वीकृत गर्ने निर्णय गरेको हो । यस्तो निर्णयसँगै नेपालको बीमा बजार अझै विस्तार हुने भएको छ । ७७ अर्बको विकास आयोजनाका लागि करोडौं रुपैयाँ बीमा शुल्क बापत नेपाली बीमा कम्पनीहरुले पाउनेछन् । यद्यपि सो बीमा शुल्कबाट पुनर्बीमा भने गर्नु अनिवार्य हुन्छ ।
