काठमाण्डौ । चौतारी लघुवित्त वित्तीय संस्थाले आर्थिक वर्ष २०७५/७६ को लागि लाभांश घोषणा गरेको छ । लघुवित्तले आफ्ना सेयरधनीहरुलाई १७ दशमलव ८९ प्रतिशत लाभांश वितरण गर्ने प्रस्ताव गरेको छ । सञ्चालक समितिको भदौ २० गते आज बसेको बैठकले गत आर्थिक वर्षको मुनाफाबाट आफ्ना सेयरधनीहरुलाई १७ दशमलव ८९ प्रतिशत लाभांश दिने प्रस्ताव गरेको हो ।
लघुवित्तले १० दशमलव ८९ प्रतिशत अर्थात् २ करोड २ लाख ६४ हजार २१ दशमलव ५३ रुपैयाँ बराबर नगद लाभांश र ७ प्रतिशत अर्थात् १ करोड ३० लाख २० हजार रुपैयाँ बराबरको बोनस सेयर वितरण गर्ने प्रस्ताव गरेको हो ।
उक्त प्रस्तावित लाभांश नेपाल राष्ट्र बैंक र संस्थाको आगामी साधारणसभाले पारित गरेपछि मात्र सेयरधनीहरुलाई वितरण गर्नेछ ।
हाल संस्थाको चुक्ता पुँजी १८ करोड ६० लाख रहेको छ ।
