काठमाडौं । नेपाली बजारमा बुधबार सुनको भाउ ओरालो लागेको छ।
नेपाल सुनचाँदी महासंघका अनुसार आज सुनको भाउ तोलमा ८०० रुपैयाँले घटेको हो। योसँगै प्रतितोला छापावाल सुन १ लाख ७० हजार ५०० रुपैयाँ कायम भएको छ।
हिजो सुनको भाउ हालसम्मकै उच्च स्तरमा पुगेको थियो। यो दिन प्रतितोला छापावाल सुन १ लाख ७१ हजार ३०० रुपैयाँमा कारोबार भएको थियो। हिजो सुनको तोलामा ५०० रुपैयाँले बढेको थियो।
आज चाँदीको भाउ पनि तोलामा ३० रुपैयाँले घटेर १ हजार ९४० रुपैयाँ कायम भएको छ। हिजो तोलामा १५ रुपैयाँले बढेर चाँदी १ हजार ९७० रुपैयाँमा कारोबार भएको थियो।
