अपडेटः बुटवलस्थित क्रिमशन अस्पतालले कोरोना संक्रमित गुल्मीका एक पुरुषको मृत्यु भएको भनि प्रकाशित समाचार संशोधन गरिएको छ । आजै अपरान्ह बिज्ञप्ति प्रकाशित तिलोत्तमास्थित क्रिमशन अस्पतालले कोरोना संक्रमित व्यक्ति जीवितै रहेको जानकारी दिएको छ । यसअघि मूलधारका थुप्रै अनलाईनहरुले कोरोनाबाट तेस्रो व्यक्तिको मृत्यु भएको समाचार प्रकाशन गरेका थिए । अस्पतालले उक्त व्यक्ति जीवितै रहेको भन्दै बक्तव्य प्रकाशित गरेपछि झूठो समाचार प्रकाशित गर्ने अनलाईनहरुले माफी मागेका छन् । इन्स्योरेन्स खवर पनि निज मृत्यु भएका भनिएको व्यक्तिको स्वास्थ्यलाभको कामना गर्दै सो सम्बन्धी प्रकाशित समाचार क्षमायाचनासहित संशोधन गरिएको छ ।
