काठमाडौं। नेपाल राष्ट्र बैंकले सार्वजनिक गरेको बैंक तथा वित्तीय सस्थाहरुको मासिक तथ्याङ्क अनुसार वाणिज्य बैंकहरुले कार्तिक महिनासम्म २५ अर्ब ३२ करोड खुद नाफा गरेका छन् । यो बैंकहरुको ४ महिना (साउन देखि कार्तिक) सम्मको नाफा हो ।
कार्तिक महिनासम्म २६ वाणिज्य बैंक मध्ये नबिल बैंकले सर्वाधिक नाफा कमाएको छ । बैंकले २ अर्ब ३५ करोड खुद नाफा कमाउन सफल भएको छ । त्यस्तै एनआईसी एशिया बैंकले २ अर्ब २२ करोड रुपैयाँ खुद नाफा गरेको छ । तेश्रोमा ग्लोबल आइएमई बैंक रहेको छ । बैंकले १ अर्ब ७५ करोड खुद नाफा गरेको छ ।
१ अर्ब भन्दा माथि नाफा गर्ने ९ वाणिज्य बैंक :
कार्तिकसम्म १ अर्ब भन्दा धेरै नाफा गर्ने ९ वाणिज्य बैंक रहेका छन् । १ अर्ब माथि नाफा गर्ने वाणिज्य बैंकमा नबिल बैंक, एनआईसी एशिया बैंक, ग्लोबल आईएमई बैंक, नेपाल इन्भेष्टमेण्ट बैंक, एनएमबि बैंक, कुमारी बैंक, प्राइम कमर्सियल बैंक, एभरेष्ट बैंक र स्ट्याण्डर्ड चार्टर्ड बैंक रहेका छन् ।
