काठमाडौं । राजधानी काठमाडौंको असन बजारभित्रको एक पुरानो घरमा लागेको आगो दुई घण्टापछि नियन्त्रमा लिइएको छ ।
असनबाट केहीभित्र मछिन्द्रबहाल अगाडिको काठ र माटोबाट बनेको पुरानो घरको चौथो तल्लाबाट आगो लागेको हो । शुक्रबार साँझ सिमसिम पानीबीच लागेको आगो जुद्धबारुण यन्त्रका दमकल, प्रहरी, सशस्त्र प्रहरी र स्थानीयबासीको संयुक्त प्रयासमा नियन्त्रणमा आएको प्रहरीले जनाएको छ ।
चार वटा दमकलसहित दुई घण्टाको प्रयासपछि आगो नियन्त्रणमा आएको हो । असनभित्रको साँघुरो सडकका कारण काठमाडौंको असनमा लागेको आगो निभाउन कठिन भएको जनाइएको छ । घटनामा मानवीय क्षति भएको छैन भने बीमा दावी पर्ने नपर्ने यकिन भइसकेको छैन ।
