काठमाण्डाैं । माच्छापुच्छ्रे बैंकले आफ्नाे सबै कर्मचारीकाे सामूहिक जीवन बीमाकाे लागी ईच्छुक जीवन बीमा कम्पनीसँग प्रस्ताव माग गरेकाे छ । बैंकले बुधबार एक सार्वजनिक सूचना प्रकाशन गर्दै यसका कर्मचारीकाे सामूहिक जीवन बीमाकाे लागी प्रस्ताव माग गरेकाे हाे ।
सूचनामा बीमाशुल्क दर तालिका,बीमालेखकाे सेवा तथा शर्त, फाइदाहरू स्पष्टसँग खुलाउन अनुराेध गरिएकाे छ । प्रस्ताव पेश गर्नकाे लागी १५ दिनकाे अवधि दिइएकाे छ । साथै प्रस्ताव पेश गर्नकाे लागी ६ हजार रूपैयाँ शुल्क भुक्तानी गरेर आवेदन फारम खरिद गर्नुपर्ने प्रस्तावमा उल्लेख गरिएकाे छ ।
बीमा समितिबाट इजाजत प्राप्त १९ वटा जीवन बीमा कम्पनीले नै आवेदन दिएकाे अवस्थामा माच्छापुच्छ्रे बैंकले आवेदन शुल्कवापत १ लाख १४ हजार रुपैयाँ असुल्ने छ ।
सामान्यतया प्रक्रयागत खर्च, प्रशासनिक खर्च, विज्ञापन वापतकाे खर्च असुल्नकाे लागी आवेदन शुल्क लिने अभ्यास रहेकाे छ । दुख दिने नियतले अवाञ्छित व्यक्ति वा संस्थाले जथाभावी बाेलपत्रमा वा प्रस्तावमा सहभागीता नजआअाेस् भन्ने उद्देश्यले यस्ताे शुल्क ताेक्ने गरिए पनि बैंक वित्तीय संस्थाले प्रत्येक पत्र बाेलपत्र वा प्रस्ताव आह्वान गर्दा शुल्कवापत तुलनात्मकरुपमा महँगाे रकम ताेकेर मनग्ये रकम असुल्ने गरेकाे आराेप लाग्दै आएकाे छ ।
