काठमाडौं । नेपाल स्टक एक्सचेन्जमा बुधबार एकै दिन ७० अंकले नेप्से परिसूचक बृद्धि भएको छ । बुधबार भएको बृद्धिसँगै नेप्से २१०० नजिकै पुगेको छ ।
केही दिनदेखि लगातार बृद्धि हुने क्रममा रहेको शेयर बजार बुधबार एकै दिन ७०.६२ अंकले बृद्धि भएको छ । सो बृद्धिसँगै नेप्से परिसूचक २०७१.०२ अंकमा पुगेको छ । आज रेकर्ड भएको नेप्से परिसूचक अहिलेसम्मकै उच्च हो ।
बुधबार सबैभन्दा धेरै ४० करोड रुपैयाँको कारोबार भएको छ । त्यस्तै, दोस्रोमा नेपाल लाईफ इन्स्योरेन्स कम्पनीको ३० करोड रुपैयाँको कारोबार भएको छ । यसअघि उच्च बिन्दुमा रहेको नेपाल पुनर्बीमा कम्पनीको शेयर कारोबार भने आज जम्मा १४ करोडमा सीमित हुन पुगेको छ । बुधबार सात अर्ब ३७ करोड ४० लाख १७ हजार रुपैयाँको शेयर कारोबार भएको छ ।
