काठमाडौं । एसिया प्रशासन्त क्षेत्रमा साइबर र ईभी बीमको माग उल्लेख्य रुपमा बढेको छ।
ग्यालेगर रि सार्वजनिक गरेको दोस्रो संस्करणको एसिया प्रशान्त क्षेत्रको बीमा बजार विश्लेषण १४ वटा बीमा बजारको तथ्यांकले यस्तो देखाएको हो। मलेसिया, सिंगापुर, अस्ट्रेलिया र न्युजिल्यान्डमा साइबर बीमा बजार वार्षिक रुपमा करिब ५० प्रतिशतले बढेको छ। जुन विश्व बजारको ७ प्रतिशत हिस्सा रहेको छ।
एसिया प्रशान्तमा मोटर बीमा बजारको उपस्थिति बलियो देखिएको छ। मोटर बीमा बजार ४१ प्रतिशतले बढेको छ। विशेषगरी विद्युतीय गाडी (ईभी)को बिक्री बढेसँगै मोटर बीमाको बजारमा पनि उल्लेख्य वृद्धि भएको ग्यालेगर रिले जनाएको छ।
ताइवान, सिंगापुर र चीनका बीमा नियामकले ईभी विशेष बीमासम्बन्धी नीति–नियम लागू गर्न सुरु गरेका छन्। निर्जीवन बीमातर्फ दुर्घटना र स्वास्थ्य बीमाको प्रिमियम पनि ११ प्रतिशतले बढेको छ। यसले स्वास्थ्यसम्बन्धी जनचेतना बढ्दै गएको दर्शाउँछ।
