काठमाडौ । एसियाली विकास बैंक (एडीबी) ले कोरोना भाइरस नियन्त्रणका लागि (२५० मिलियन )३० अर्ब नेपाली रुपैयाँ ऋण सहयोग गर्ने भएको छ ।
उक्त ऋण सम्झौताका लागि नेपालका तर्फबाट अर्थ सचिव शिशिरकुमार ढुंगाना र एडीबीका तर्फबाट देशीय निर्देशक मुख्तोर खामुदाख्नोभले हस्ताक्षर गरेका हुन् । उक्त हस्ताक्षर कार्यक्रममा अर्थमन्त्री युवराज खतिवडाको पनि उपस्थिति रहेको थियो ।
एडीबीका नेपालस्थित निर्देशक खामुदाख्नोभले महामारी नियन्त्रणका लागि सरकारले अगाडि सारेका कार्यक्रमलाई पूर्ण रुपमा सघाउने जानकारी दिए ।उक्त ऋणबाट सरकारले कोरोना रोकथाम, नियन्त्रणका साथै स्वास्थ्य साम्रागीमा खर्च गर्ने ढुंगानाले जानकारी दिए ।
