काठमाडौं । एनसेलका सबै फोरजी ग्राहकहरुले अब युट्युबबाट भरपुर फाइदा लिन सक्ने भएका छन् । एनसेलको प्राइभेट लिमिटेडले आफ्नो नयाँ ‘प्लस’ थिम अन्तर्गत आफ्ना फोरजी ग्राहकहरुका लागि ‘ननस्टप युट्यूव’ अफर ल्याएको जनाएको छ ।
प्लस’ थिम अन्तर्गतको ननस्टप युट्यूव अफरमा ग्राहकले निश्चिन्त रुपमा मात्र एक सय (करसहित मात्र १२७.६९) मा एक साताका लागि ४८० पी मा युट्यूब भिडियो सामग्रीहरुकोे मज्जा लिन सक्ने कम्पनीले बताएको छ।
यसका साथै यस अफरमा ग्राहकले ४ जीवी फोरजी अल टाइम अल नेटवर्क डेटाको पनि फाइदा लिन सक्ने जानकारी गराइएको छ । फोरजी नेटवर्कमा ननस्टप युट्यूव र ४ जीवी अल टाइम अल नेटवर्क डेटा सूचारु भएको दिनबाट ७ दिनको लागि सम्म मान्य रहने छ ।
