काठमाडौं । एनएमबि बैंकको करिब ५२ हजार कित्ता शेयर बिक्रीमा राखिएको छ। बैंकको संस्थापक समूहको ५१ हजार ७४६ कित्ता शेयर बिक्रीमा राखिएको हो।
यो शेयरमा संस्थापक शेयरधनीबाहेकका अन्य व्यक्ति तथा संस्थाले खरिदका लागि निवेदन दिन सक्नेछन्। यसका लागि ७ दिनको म्याद दिइएको छ।
तोकिएको अवधिभित्र इच्छुक लगानीकर्ताले काठमाडौंको बालुवाटारस्थित एनएमबि क्यापिटलको कार्यालयमा निवेदन दिनुपर्नेछ।
यसअघि बैंकका विद्यमान शेयरधनीहरुका लागि शेयर बिक्री खुला गरिएको खरिद निवेदन नपरेपछि सर्वसाधारणका लागि बिक्री खुला गरिएको बैंकले जनाएको छ।
