काठमाडौं । एनआईसी एसिया बैंकले सातवटै प्रदेशलाई १५/१५ लाख रुपैयाँ सहयोग गर्ने भएको छ।बैंकले विश्व महामारी कोरोनाभाइरस नियन्त्रण, रोकथाम तथा उपचार कोषमा उक्त रकम प्रदान गरेको बैंकले जनाएको छ।
बैंकले संस्थागत सामाजिक उत्तरदायित्वअन्तर्गत उक्त रकम सहयोग गरेको हो। सहयोग रकममध्ये बैंकको तर्फबाट १० लाख र कर्मचारीको तर्फबाट ५ लाख गरी कुल १५ लाख एउटा प्रदेशलाई दिइएको जनाएको छ।
साथै बैंकले विभिन्न क्षेत्रमा दैनिक ज्यालादारी गर्नेहरुलाई प्रादेशिक तथा स्थानीय सरकारसँगको सहकार्यमा ४५ लाख ६८ हजार बराबरको खाद्य सामग्री समेत सहयोग गरेको छ।
