काठमाडौं । लकडाउनका बीचमा शेयर कारोबार उत्साहजनक रुपमा अघि बढिरहेको छ । साताको तेस्रो दिन आज एक अर्ब ८५ करोड रुपैयाँ भन्दा बढिको शेयर कारोबार भएको छ । आजको कारोबारसँगै नेप्से परिसूचक ९.३४ अंकले बृद्धि भई १४४०.९४ पुगेको छ ।
मंगलबार नेप्सेमा १८९ वटा कम्पनीको ३९ लाख ४० हजार कित्ता शेयर कारोबार भएको छ । मंगलबार नेपाल पुनर्बीमा, सूर्या लाईफ, प्राई लाईफ इन्स्योरेन्सको मूल्य बृद्धि भएको छ भने समृद्धि फाइनान्स कम्पनी र युनियन हाईड्रोपावर लगायतका कम्पनीहरुको मूल्य घटेको छ ।
