काठमाडौं । नेपाली बजारमा सुन चाँदीको मूल्यमा गिरावट आएको छ । मंगलबारको तुलनामा छापावाला सुन तोलामा एकैदिन १७ सय रुपैयाँले घटेर प्रति तोला ९७ हजार रुपैयाँमा कारोबार भइरहेको नेपाल सुन चाँदी व्यवसायी महासंघले जनाएको छ ।
यसैगरी आज तेजावी सुन प्रति तोला ९६ हजार ५ सय रुपैयाँमा कारोबार भइरहेको महासंघले जनाएको छ । महासंघका अनुसार आज चाँदी तोलामा एकैदिन ३० रुपैयाँले घटेर प्रति तोला १२ सय ४५ रुपैयाँमा कारोबार भइरहेको छ ।
