काठमाडौं। राष्ट्रिय बाणिज्य बैंकको सहायक कम्पनी आरविवि मर्चेन्ट बैंकले ‘आरविवि म्युचुअल फण्ड एक’ ल्याउने भएको छ। आरविविले एक अर्ब रुपैयाँको म्युचुअल फण्ड निष्काशनका लागि नेपाल धितोपत्र बोर्डमा निवेदन दिएको छ।
आरविविको यो पहिलो म्युचुअल फण्ड हो। दोस्रो बजार लगातार सुधार हुन थाले सँगै पछिल्लो समय म्युचुअल फण्ड निष्काशन गर्ने लहड सुरु भएको छ। आरविविले नेपाल धितोपत्र बोर्डबाट अनुमति पाए पछि मात्रै सर्वसाधारणका लागि सार्वजनिक निष्काशन गर्न सक्ने छन्।
मर्चेन्टले शेयर रजिष्ट्ररको काम सँग सँगै अण्डरराइटीङ सेवा, इस्यु म्यानेजर, पोर्टफेलियो व्यवस्थापन लगायतको काम गर्दै आएको छ।
