काठमाडौं । रिडी पावर कम्पनीले गत आर्थिक वर्ष २०८०।८१ को अपरिष्कृत वार्षिक वित्तीय विवरण सार्वजनिक गरेको छ।
वित्तीय विवरणअनुसार कम्पनीले समीक्षा वर्षमा २२ करोड २८ लाख रुपैयाँ घाटा व्यहोरेको छ। अघिल्लो वर्ष पनि कम्पनीले ४ लाख ५६ हजार रुपैयाँ नाफा आर्जन गरेको थियो।
कम्पनीको विभिन्न जलविद्युत आयोजनाको विद्युत बिक्रीबाट हुने आम्दानी ३० करोड ८४ लाख रुपैयाँ भएको छ। अघिल्लो वर्ष कम्पनीको आम्दानी ३७ करोड १२ लाख रुपैयाँ थियो। विद्युत बिक्रीबाट हुने आम्दानी १६.९० प्रतिशतले घटेको छ।
चुक्तापुँजी २ अर्ब ३२ करोड रुपैयाँ रहेको कम्पनीको शेयर प्रिमियममा ५ करोड ९२ लाख रुपैयाँ रहेको छ भने जगेडा कोष २५ करोड ५२ लाख रुपैयाँले ऋणात्मक रहेको छ।
कम्पनीको वार्षिकीकृत प्रतिशेयर आम्दानी (ईपीएस) ९.९९ रुपैयाँले ऋणात्मक रहेको छ भने प्रतिशेयर नेटवर्थ ९४.४४ रुपैयाँ रहेको छ।
