काठमाडौं। पूर्वसभामुख दमननाथ ढुंगानाको निधनमा सरकारले आज सार्वजनिक बिदा दिने निर्णय गरेको छ।
आज बसेको मन्त्रिपरिषद बैठकले सार्वजनिक बिदा दिने निर्णय गरेको हो। ढुंगानाको हिजो आइतबार दिउँसो उपचारको क्रममा निधन भएको थियो।
सानो गौचरणमा बिहान साढे ११ बजे हुने श्रद्धाञ्जली सभा गरिने भएको छ। सभामा प्रधानमन्त्री केपी शर्मा ओली पनि सहभागी हुँदैछन्। त्यसपछि ढुंगानाको आजै पशुपति आर्यघाटमा अन्त्येष्टि गरिँदैछ।
सरकारले आज सार्वजनिक बिदा दिने निर्णय गरे पनि सरकारी तथा सार्वजनिक निकाय बन्द हुने वा नहुने अन्यौल सिर्जना भएको छ। यसले बैंक तथा बीमा कम्पनी र शेयर बजार खुल्ने वा नखुल्ने पनि द्विविधा भएको छ।
गृह मन्त्रालयका सूचना अधिकारी दिलकुमार तामाङले अहिलेसम्म आफूलाई सार्वजनिक बिदा दिइएकोबारेमा जानकारी प्राप्त नभएको छ। सरकारले निर्णय गरेको हो भने सार्वजनिक बिदाबारे केहीबेरपछि जारी आउने उनले बताए।
