काठमाडौं । आज सुनको भाउ बढेको छ । कार्तिक १८ गतेको तुलनामा आज सुनको भाउ तोलामा १५ सय रुपैयाँले बढेको हो ।
गत बिहिबार तोलामा ९१ हजार रुपैयाँमा कारोबार भएको छापावाला सुनको भाउ आज तोलामा १५ सय रुपैयाँले बढेर तोलामा ९२ हजार ५ सय रुपैयाँमा कारोबार भइरहेको नेपाल सुन चाँदी व्यवसायी महासंघले जनाएको छ ।
त्यस्तै, तेजाबी सुनको भाउ पनि आज तोलामा १५ सयले नै बढेर ९२ हजार रुपैयाँमा कारोबार भइरहेको छ । आज चाँदीको भाउ पनि तोलामा एकैपटक २५ रुपैयाँले बढेर तोलाको १२ सय ५० रुपैयाँमा कारोबार भइरहेको छ ।
