काठमाडौं । आज नेप्से परिसूचक १३ दशमलव ०७ अंकले बढेर २,१७८ दशमलव ५७ को विन्दुमा कायम भएको छ । आज ट्रेडिङ र हाइड्रोपावर कम्पनी बाहेक सबै उपसूचक बढेका छन् । सबैभन्दा धेरै माइक्रोफाइनान्स कम्पनी १ दशमलव ६८ प्रतिशतले बढेको छ ।
आज २ सय ५ वटा कम्पनीको १ करोड ५ लाख ३५ हजार २ सय १६ कित्ता शेयर किनबेच हुँदा ४ अर्ब ४२ करोडमाथिको शेयर कारोबार भएको छ ।
आज सबैभन्दा धेरै नेपाल लाइफ इन्स्योरेन्स कम्पनीको २१ करोड ३३ लाख रुपैयाँको शेयर करोबार भएको छ ।
आज सबैभन्दा धेरै कालिका माइक्रोक्रेडिटका लगानीकर्ताले १० प्रतिशतका दरले कमाएका छन् । जनउत्थान सामुदायिक लघुवित्तका लगानीकर्ताले ९ दशमलव ९९ प्रतिशतका दरले कमाएका छन् । स्वाभिमान लघुवित्त, नारायणी डेभलपमेन्ट बैंक, प्रभु लाइफ इन्स्योरेन्स कम्पनीका लगानीकर्ताले ९ प्रतिशतभन्दा बढीका दरले कमाएका छन् ।
त्यसैगरी आज सबैभन्दा धेरै गुमाउनेमा नेपाल इन्भेष्टमेन्ट संस्थापक शेयरधनीले ८ प्रतिशतका दरले गुमाएका छन् । नेपाल हाइड्रो डेभलपसै, जोशी हाइड्रोपावर कम्पनी, अपी पावर कम्पनी, घलेम्दी हाइड्रोपावर कम्पनी लगायतका लगानीकर्ताले गुमाएका छन् ।
