काठमाडौं । नेपालीहरुको महान चाड दशैं मनाउने क्रम जारी छ । दशैंको मुख्य दिन अर्थात आज बिजया दशमी हो । आज अधिकांश नेपालीहरु दुर्गा भवानीको पूजा गरेर हर्षोल्लासपूर्वक मनाइरहेका छन् । आज विहान देवीको बिसर्जन गरेपछि असुर शक्तिमाथि दैवीशक्तिको बिजयको रुपमा टीका प्रसाद लगाएर बिजया दशमी मनाइन्छ ।
बिजया दशमीको टीकाको साईत विहान १०ः३५ बजेको लागि निर्धारण गरिएको छ । आज मंगलबार परेकोले विहान १० बजेभन्दा अगाडि टीका लगाउन उत्तम नहुने ज्योतिष पण्डित हरिबोल प्रसाद शर्माको भनाई छ । १०ः३५ बजेभन्दा पछाडि जुनसुककै समय टीका लगाउन उत्तम हुने भनाई छ ।
इन्स्योरेन्स खवर परिवार बिजया दशमीको अवसरमा सम्पूर्ण बीमाकर्मी तथा देश बिदेशमा रहनुभएका सबै नेपाली दाजुभाइ दिदीबहिनीहरुमा सुख, शान्ति र समृद्धिको हार्दिक मंगलमय शुभकामना व्यक्त गर्दछौं ।
