काठमाडौं । आज फेरी सुन चाँदी दुबैको मुल्य बढेको छ । हिजो तोलामा ८८ हजार ७ सय रुपैयाँमा कारोबार भएको छापावाला सुनको मूल्य आज शुक्रबार ९ सय रुपैयाँले बढेर तोलामा ८९ हजार ६ सय रुपैयाँमा कारोबार भएको नेपाल सुनचाँदी व्यवसायी महासंघले जनाएको छ ।
त्यस्तै, तेजावी सुनको मूल्य आज तोलामा ८९ हजार १ सय ५० रुपैयाँ कायम भएको छ । हिजो तेजावी सुनको मूल्य ८८ हजार २ सय ५० रुपैयाँमा कारोबार भएको थियो ।
आज चाँदीको मूल्यमा पनि बढेको छ । हिजो तोलाको ११ सय २० रुपैयाँमा कारोबार भएको चाँदीको मूल्य आज २० रुपैयाँले बढेर तोलामा ११ सय ४० रुपैयाँमा करोबार भएको छ ।
