काठमाडौं । आज मंगलबार सुनको भाउ फेरी बढेको छ । हिजो सोमबार तोलाको ९४ हजार ३ सयमा कारोबार भएको छापावाला सुनको भाउ आज तोलामा ५ सय रुपैयाँले बढेको छ । आज छापावाला सुनको भाउ तोलामा ९४ हजार ८ सय रुपैयाँमा कारोबार भइरहेको नेपाल सुन चाँदी व्यवसायी महासंघले जनाएको छ ।
आज तेजाबी सुनको भाउ पनि तोलामा ५ सय रुपैयाँले नै बढेको छ । आज तेजाबी सुनको भाउ ९४ हजार ३ सय पुगेको छ ।
त्यस्तै, चाँदीको भाउ आज तोलामा १० रुपैयाँले बढेर १२ सय ९० रुपैयाँ पुगेको छ ।
