काठमाडौं । आज नेपाली बजारमा सुनको भाउ स्थिर रहेको छ भने चाँदी सामान्य बढेको छ। नेपाल सुनचाँदी व्यवसायी महासंघका अनुसार आज सुनको भाउ प्रतितोला १ लाख ५२ हजार रुपैयाँमा कारोबार भइरहेको छ । हिजो पनि सुन प्रतितोला १ लाख ५२ हजार रुपैयाँमा कारोबार भइरहेको थियो ।
आज चाँदीको भाउ भने तोलामा २० रुपैयाँले बढेको छ । आज चाँदी तोलामा २० रुपैयाँले बढेर १८ सय ३० रुपैयाँमा कारोबार भइरहेको छ । हिजो चाँदी तोलामा १८ सय १० रुपैयाँमा किनबेच भएको थियो ।
