काठमाडौं । आज बिहीबार काठमाडौँ उपत्यकाका ८७ जनामा कोरोना पुष्टि भएको छ । उपत्यकाका विभिन्न अस्पतालमा गरीएको स्वाब परीक्षणमा काठमाडौँका ७६ जना, ललितपुरका १० र भक्तपुरका १ जनामा कोरोना देखिएको हो ।
हिजो बुधबार पनि उपत्यकाका ६२ जनामा कोरोना देखिएको थियो ।स्वास्थ्य तथा जनसंख्या मन्त्रालयका अनुसार आज देशभर थप ३६० जनामा कोरोना भाइरसको संक्रमण पुष्टि भएको छ । हालसम्म ६५ जनाको कोरोनाका कारण मृत्यु भएको छ ।
