काठमाडौं । आइएमई लाइफ इन्स्योरेन्समा अभिकर्ताको संख्या विगत ५ वर्षमा करिब ६ गुणाले वृद्धि भएको छ। आर्थिक वर्ष २०७५।७६ मा ६ हजार १८६ रहेको अभिकर्ताको संख्या आर्थिक वर्ष २०७९।८० मा आइपुग्दा ३५ हजार १७४ पुगेको छ।
आर्थिक वर्ष २०७५।७६ मा ६ हजार १८६ रहेको अभिकर्ता संख्या आर्थिक वर्ष २०७६।७७ मा १० हजार ९२६ पुगेको थियो। त्यस्तै आर्थिक वर्ष २०७७।७८ मा २० हजार ६५३ रहेको अभिकर्ताको संख्या आर्थिक वर्ष २०७८।७९ मा २६ हजार ५२५ पुगेको छ।
दोहोरो अंकको वृद्धि
आर्थिक वर्ष २०७५।७६ र आर्थिक वर्ष २०७६।७७ को तथ्यांकलाई दाँजेर हेर्दा कम्पनीको अभिकर्ता संख्यामा भएको वृद्धि ७७ प्रतिशत हो। त्यस्तै आर्थिक वर्ष २०७७।७८ मा ८९ प्रतिशतले अभिकर्ताको संख्या वृद्धि भएकोमा आर्थिक वर्ष २०७८।७९ मा २८ प्रतिशतले अभिकर्ताको संख्या वृद्धि भएको छ।
त्यस्तै आर्थिक वर्ष २०७९।८० मा अभिकर्ताको संख्या ३३ प्रतिशतले वृद्धि भएको छ।
