काठमाडौं । आँखुखोला जलविद्युत कम्पनीको हकप्रद शेयर बाँडफाँट गरिएको छ।
बिक्री प्रबन्धक नबिल इन्भेस्टमेन्ट बैंकिङले भदौ ३० गते आँखुखोला जलविद्युत कम्पनीको हकप्रद शेयर बाँडफाँट गरेको हो। कुल बिक्री खुला गरिएको १ करोड २० लाख कित्तामध्ये ४१ हजार ३६२ जना शेयरधनीहरुलाई १ करोड २ लाख ४९ हजार ७५२ कित्ता शेयर बाँडफाँट गरिएको छ।
कम्पनीका अनुसार १७ लाख ५० हजार २४८ कित्ता हकप्रद शेयर बिक्री भएन। अब यो शेयर लिलामी प्रक्रियामार्फत बिक्री खुला गरिनेछ।
बाँडफाँटमा नपरेका हकप्रद शेयरबापतको रकम असोज ४ गतेदेखि आईपीएसमार्फत सम्बन्धित आवेदकको बैंक खातामा रकमान्तर गरिने कम्पनीले जनाएको छ।
कम्पनीले गत असार ३१ गतेसम्म कायम शेयरधनीहरुका लागि चुक्तापुँजीको १ः१.५ अनुपात अर्थात १५० प्रतिशत हकप्रद शेयर बिक्री खुला गरेको थियो।
