काठमाडौं । अरुण काबेली पावर लिमिटेडको बोनस शेयरमा मूल्य समायोजन भएको छ । कम्पनीको ५ दशमलव ७१ प्रतिशत बोनस शेयर पछि नेप्सेले प्रतिकित्ता २५४ रूपैयाँ कायम हुने गरी शेयर मूल्य समायोजन गरेको हो । नेप्सेले बिहीबारको अन्तिम कारोबार मूल्य २६९ रुपैयाँका आधारमा मूल्य समायोजन गरेको हो ।
कम्पनीको कार्तिक २७ गते, बिहीबार बसेको सञ्चालक समितिको बैठकले गरेको निर्णय अनुसार कम्पनीको दशौँ वार्षिक साधारण सभा मंसिर २२ गते सोमबार, कम्पनीको सभाकक्ष, ट्रेड टावर, दोस्रो तल्ला, थापाथली, काठमाडौंमा बिहान ११ बजेदेखि भर्चुअल माध्यमबाट सञ्चालन हुनेछ ।
