काठमाडौं । विश्वमा महामारीको रुपमा फैलिएको कोरोना भाइरस संक्रमणबाट हालसम्म विश्वभरीमा ४२ हजार १५१ जनाको मृत्यु भएको छ। यस रोगबाट संक्रमित हुनेको संख्या भने ८ लाख ५८ हजार ६६९ जना पुगेको छ।
वल्र्डमिटर्स डट इन्फोका अनुसार बुधबार ८ बजेसम्ममा १ लाख ७८ हजार ९९ जना व्यक्ति निको भइसकेका छन्।
शक्तिशाली राष्ट्र अमेरिकामा सबैभन्दा धेरै कूल १ लाख ८८ हजार ५३० जना संक्रमित भएका छन् भने ७ हजार २५१ जना निको भएर घर फर्किएका छन्।
संक्रमणका आधारमा दोस्रो रहेको इटालीमा १ लाख ५ हजार बढी संक्रमणको शिकार बनेका छन् । इटालीमा सबैभन्दा धेरै १२ हजार ४२८ ले मृत्युवरण गरेका छन् ।
छिमेकी राष्ट्र भारतमा कूल संक्रमित १ हजार ३९७ पुगेको छ भने कुल ३५ जनाले ज्यान गुमाएका छन् ।
नेपालमा हालसम्म ५ जनामा यो रोगको पुष्टि भएको छ। १ जनालाई निको भएको छ भने ४ जना उपचारको क्रममा नै छन् ।
