काठमाडौं । अमेरिकामा पछिल्लो समय घरको मूल्य बढेको छ।
हालै गरिएको एउटा सर्भेक्षणले घरको मूल्य मानिसको आम्दानीभन्दा तीव्रगतिमा बढेको पाइएको छ। पछिल्लो १ वर्षमा अमेरिकामा घरको मूल्य औसत २६ प्रतिशतले बढेको छ।
अहिले अमेरिकामा घर महँगो हुनका साथै त्यसको कर र बीमाको प्रिमियम पनि तीव्रगतिले बढेको छ। पछिल्लो १ वर्षमा घर बीमाको प्रिमियम करिब २० प्रतिशतले बढेको छ।
मुद्रास्फीति र प्राकृतिक विपत्तिले अमेरिकामा घर बीमाको प्रिमियम बढेको सर्वेक्षण प्रतिवेदनमा उल्लेख छ। सर्भेक्षणमा सहभागी ८० प्रतिशतले घर खरिद गर्नु गलत निर्णय भएको प्रतिक्रिया दिएका छन् भने ४४ प्रतिशतले ऋण लिएर घर खरिद गरेर जीवनशैली सहज बनाउने प्रयास गरेको बताएका छन्। –एजेन्सी
