काठमाडौं । हिजो नेप्सेमा सूचिकृत भएको अजोड इन्स्योरेन्सको शेयर कारोबार आज हुन सकेन । शेयर म्याचिङमा समस्या आएका कारण आज शेयर कारोबार हुन नसकेको नेप्सेले जनाएको छ । अजोडको शेयर भोलि बुधबारबाट नियमित कारोबार हुने नेप्सेको भनाई छ ।
अजोड इन्स्योरेन्सले हिजो एक अर्ब रुपैयाँ बराबरको एक सय अंकित शेयर सूचिकृत गराएको थियो । सो मध्ये ३० लाख कित्ता मात्रै दोस्रो बजारमा कारोबार हुनेछ । बाँकी शेयर संस्थापक हो ।
नेप्सेले अजोड इन्स्योरेन्सको सेयरको पहिलो कारोबार न्यूनतम ९७ रुपैयाँदेखि अधिकतम २ सय ९१ रुपैयाँसम्म गर्न सकिने जनाएको छ । अजोडको कोड एआईएल कायम गरिएको छ ।
