काठमाडौं । एच–१बी भिसा अमेरिकामा काम गर्नका लागि एक विशेष प्रकारको गैरआप्रवासी भिसा हो। यसमार्फत अमेरिकी कम्पनीहरुले विदेशी कामदारहरुलाई काममा राख्छन्।
एच–१बी भिसामा रहेका कम्पनीहरुले ‘विशेष पेसामा’ अर्थात् विशेष काममा संलग्न विदेशी कामदारलाई मात्र काममा राख्न सक्छन्। एच–१बी भिसा कम्तीमा स्नातक डिग्री भएका र उनीहरुले आवेदन दिएको पद ‘विशेष पेसा’ श्रेणीअन्तर्गत पर्नेहरुलाई मात्र दिइन्छ।
अब यहाँ प्रश्न उठ्छ, ‘विशेष पेसा’ भनेको के हो? उत्तर यो हो कि ‘विशेष पेसा’ मा त्यस्तो काम समावेश छ, जसमा निश्चित विशिष्ट सीप, ज्ञान र शिक्षा आवश्यक पर्दछ। एच–१बी भिसा विदेशी कामदारका लागि हो। जसले त्यस्ता कामहरुमा काम गर्नेछन्, जसलाई सामान्यतया उच्च शिक्षा वा विशेष क्षेत्रमा विशेषज्ञता आवश्यक पर्दछ। कम्पनीले भर्ना गर्दा विदेशी कामदारलाई ‘विशेष पेसा’ को लागि भर्ना गरिएको छ भनी देखाउनुपर्छ।
एच–१बी भिसाका लागि आवेदन दिने कम्पनीले कामले ‘विशेष पेसा’को सर्तहरु पूरा गर्छ भनेर देखाउनु पर्छ। यसका लागि कम्पनीले विदेशी कर्मचारीको जागिर, शैक्षिक योग्यता र योग्यताको बारेमा जानकारी उपलब्ध गराउनुपर्नेछ।
अमेरिकी नागरिकता तथा आप्रवासन सेवा (यूएससीआईसी) ले भिसा आवेदन प्रक्रियाको क्रममा यो जानकारीको मूल्यांकन गर्दछ। यसले काम एच–१बी स्थितिका लागि योग्य छ वा छैन भनेर देखाउँछ।
कुन कामका लागि एच–१बी भिसा उपलब्ध हुन्छ ?
- आईटी प्रोफेसनल्स
- कम्प्युटर वैज्ञानिक
- सिस्टम एनालिस्ट तथा बिजनेस टेक्नोलोजी एनालिस्ट
- इन्जिनियर
- विश्वविद्यालयका प्राध्यापक तथा शिक्षकहरु
- माध्यमिक शिक्षा शिक्षकहरु
- हेल्थकेयर प्रोफेसनल्स
- फिजिसियन
- सर्जन
- नर्स
- डेन्टिस्ट
- साइकलोलोजिस्ट
- वैज्ञानिक
- वित्तीय विश्लेषक
- अकाउन्टेन्ट
- म्यानेजमेन्ट कन्सल्टेन्ट
- मार्केट रिसर्च एनालिस्ट
- मार्केटिङ प्रोफेसनल्स
- वकिल
- कानुनी सल्लाहकार
- आर्किटेक्ट
- जर्नालिस्ट
- एडिटर
- टेक्निकल राइटर्स
- पब्लिसर्स
- पब्लिक रिलेसन स्पेसलिस्ट
यस सूचीमा केही सामान्य कामहरु समावेश छन्। जसका लागि एच–१बी भिसाका लागि आवेदन दिन सकिन्छ। यो सूचीमा नभएको कामका लागि आवेदन दिन पनि किन्छ। तर, यसका लागि जागिरले ‘विशेष पेसा’का सर्तहरु पूरा गर्नुका साथै एच–१बीको अन्य योग्यता मापदण्ड पनि पूरा गर्नु आवश्यक छ।
