काठमाडौं । संयुक्त अरब इमिरेट्स (यूएई)ले आफ्ना नागरिकलाई ३ देशको यात्रामा प्रतिबन्ध लगाएको छ।
यूएईको विदेश मन्त्रालयले एउटा वक्तव्य जारी गर्दै इरान, इराक र लेबनानमा यात्रा गर्न आफ्ना नागरिकलाई प्रतिबन्ध लगाएको हो। वर्तमान अवस्थालाई ध्यानमा राखेर ती देशको यात्रामा प्रतिबन्ध लगाउनुपरेको वयक्तव्यमा उल्लेख छ।
यसका साथै यूएईले ती देशमा रहेका आफ्ना नागरिकलाई तत्काल देश फर्किन आह्वान गरेको छ। यसअघि यूएईले तेल उत्पादक देशहरुको समूह ओपेक र ओपक प्लसबाट बाहिरिने घोषणा गरेको थियो।
