काठमाडौं । अमेरिकी राष्ट्रपति डोनाल्ड ट्रम्पले शिक्षा विभाग खारेज गर्न अधिकारीहरुलाई निर्देशन दिने कार्यकारी आदेशमा हस्ताक्षर गरेका छन्।
ट्रम्पले आफ्नो चुनावी अभियानमा यो वाचा गरेका थिए। बिहीबार आदेशमा हस्ताक्षर गरेपछि ट्रम्पले भने, ‘हामी यसलाई सकेसम्म चाँडो बन्द गर्दैछौँ। यसले हामीलाई मद्दत गर्दैन।’
ट्रम्पले लामो समयदेखि यो विभाग खारेज गर्न माग गर्दै आएका थिए। तर, यसलाई पूर्ण रुपमा बन्द गर्न अमेरिकी संसद् कंग्रेसको स्वीकृति चाहिन्छ। जुन सम्भव छैन।
ट्रम्पको कदमले गत हप्ता घोषणा गरेको एजेन्सीको बन्द र गहिरो कर्मचारी कटौतीलाई रोक्न खोज्ने मानिसबाट कानुनी चुनौतीहरुको सामना गरिरहेको छ। ट्रम्पले भने, ‘अमेरिकाले अन्य कुनै पनि देशको तुलनामा शिक्षामा धेरै पैसा खर्च गर्छ तर विद्यार्थीको सफलता निकै कम छ।’
शिक्षा विभागले कलेज र विश्वविद्यालयका विद्यार्थीाई संघीय विद्यार्थी ऋण व्यवस्थापन गर्न र कम आय भएका र शारीरिक रुपमा असक्षम विद्यार्थीलाई सहायता प्रदान गर्न जिम्मेवारी बोकेको हुन्छ। –एजेन्सी
