काठमाडौं । विश्वको सबैभन्दा मूल्यवान कम्पनी एनभिडियाका सीईओ जेन्सन हुआङले कम्पनीको लगभग ३ करोड ६४ अर्ब मूल्यको शेयर बेचेका छन्। हुआङले यो कदम तब चाले जब उनको सम्पत्ति धेरै छिटो बढिरहेको छ। अब उनले विश्वका धनीव्यक्तिहरुको सूचीमा वारेन बफेटलाई उछिनेका छन्।
ब्लुमबर्ग बिलियनेयर इन्डेक्सका अनुसार हुआङको कुल सम्पत्ति १४४ अर्ब डलर पुगेको छ र उनी विश्वका धनीव्यक्तिहरुको सूचीमा नवौँ नम्बरमा आएका छन्। यस वर्ष हुआङको कुल सम्पत्ति २९.४ अर्ब डलरले बढेको छ र उनी पहिलोपटक शीर्ष १० सूचीमा पुगेका छन्। अमेरिकाका प्रसिद्ध लगानीकर्ता वारेन बफेट १४३ अर्ब डलरको कुल सम्पत्तिका साथ यस सूचीमा दसौँ नम्बरमा छन्।
सीएनबीसीको रिपोर्ट अनुसार हुआङले एनभिडियाको २ लाख २५ हजार शेयर बेचेका छन्। यो सबै पूर्वनियोजित योजनाअन्तर्गत भइरहेको छ। यस योजनाअनुसार हुआङले यस वर्षको अन्त्यसम्ममा एनभिडियाको ६० लाख शेयर बेच्न सक्छन्।
जुनको सुरुमा हुआङले सोही योजनाअन्तर्गत लगभग १.५ करोड डलर मूल्यको शेयर बेचेका थिए। गत वर्ष हुआङले यस्तै योजनाअन्तर्गत लगभग ७० करोड डलर मूल्यको शेयर बेचेका थिए। शेयर बिक्री भए पनि हुआङसँग अझै पनि एनभिडियाको ८५.८ करोड डलरभन्दा बढीको शेयर छन्। उनी यी शेयरहरु प्रत्यक्ष रुपमा र विभिन्न साझेदारी र ट्रस्टहरुमार्फत स्वामित्व राख्छन्।
एनभिडिया विश्वकै पहिलो कम्पनी हो, जसले ४४ ट्रिलियनको बजार पुँजीकरण हासिल गरेको छ। आर्टिफिसियल इन्टेलिजेन्स (एआई) हार्डवेयरको माग बढ्दै जाँदा एनभिडियाको शेयर बढेको छ र यससँगै ज्गबलन को सम्पत्ति पनि बढेको छ। एनभिडियाको जीपीयू (ग्राफिक्स प्रोसेसिङ युनिट) ठूला भाषा मोडेलहरु सिर्जना गर्न र चलाउन धेरै महत्त्वपूर्ण भएका छन्। जीपीयू एक प्रकारको प्रोसेसर हो। जसले कम्प्युटरमा ग्राफिक्स प्रशोधन गर्न काम गर्दछ। –एजेन्सी
