काठमाडौं । नेपाल बीमा प्राधिकरणका निर्देशक सुशिल देव सुवेदी कार्यकारी निर्देशक पदमा बढुवा भएका छन् । प्राधिकरणको पदपूर्ती समितिले कार्य सम्पादन मूल्याङ्कनको आधारमा सुवेदीलाई कार्यकारी निर्देशक पदमा बढुवा गर्न गरेको सिफारिशको आधारमा अब बस्ने सञ्चालक समिति बैठकले उनको बढुवाको सिफारिस अनुमोदन गर्नेछ ।
गत माघ २३ गते समितिले बढुवाको सिफारिश गरेको थियो । सिफारिश भएको ३५ दिन पछि लागु भएको हो । सुबेदीले आज को मितिले ५ वर्ष प्राधिकरणमा काम गर्नेछन् । पदपूर्ति समितिले प्रकाशन गरेको सूचना अनुसार तीनजना उम्मेदवारमध्ये सुवेदीले सर्वाधिक ७७.१९४ अंक प्राप्त गरेका थिए।
पछिल्लो समयमा सुवेदी प्राधिकरण सञ्चालक समितिको सचिव, प्राधिकरणको प्रवक्ताको समेत जिम्मेवारीमा रहेका थिए । सुवेदी बीमा प्राधिकरणले सञ्चालन गर्दै आएको इन्स्योरेन्स इन्स्टिच्युट अफ नेपाल(आइआइएन)का समेत प्रमुख कार्यकारी अधिकृत हुन् ।
