काठमाडौं । सिक्लेस हाइड्रोपावरले लाभांश घोषणा गरेको छ।
कम्पनी सञ्चालक समितिले आर्थिक वर्ष २०८०।८१ र २०८१।८२ को सञ्चित मुनाफाबाट शेयरधनीहरुलाई कुल १५.७८९ प्रतिशत लाभांश वितरण गर्ने निर्णय गरेको छ। जसमा १५ प्रतिशतले हुन आउने १२ करोड ७५ लाख रुपैयाँबराबरको बोनस शेयर र कर प्रयोजनार्थ ६७ लाख १० हजार ५२६.३२ रुपैयाँबराबरको नगद लाभांश छन्।
सञ्चालक समितिले बोनस शेयर वितरणपछि कायम हुने चुक्तापुँजीको १ः१ अनुपातमा अर्थात १०० प्रतिशत हकप्रद जारी गर्ने निर्णय गरेको छ। अन्य जलविद्युत आयोजनामा लगानी गर्न पुँजी जुटाउनका लागि हकप्रद शेयर जारी गर्ने प्रस्ताव विद्युत नियमन आयोगबाट पूर्वस्वीकृतिपछि आगामी वार्षिक साधारणसभा पेस गरिने कम्पनीले जनाएको छ।
