काठमाडौं । भुजुङ्ग हाइड्रोपावर आइपीओ जारी गर्ने अनुमति पाएको छ। नेपाल धितोपत्र बोर्डले आज भुजुङ्ग हाइड्रोपावरलाई आइपीओ जारी गर्न अनुमति दिएको हो।
धितोपत्र बोर्डको अनुमतिसँगै अब कम्पनीले चुक्तापुँजीको २० प्रतिशतले हुन आउने २० करोड रुपैयाँबराबरको आइपीओ निष्कासन गर्नेछ। जसअनुसार कम्पनीले १०० रुपैयाँ अंकित दरका कुल २० लाख कित्ता आइपीओ बिक्री गर्नेछ।
हाल कम्पनीमा संस्थापक समूहको ८० प्रतिशत अर्थात ८० करोड रुपैयाँबराबरको लगानी रहेको छ। आइपीओ बिक्रीपछि कम्पनीको चुक्तापुँजी १ अर्ब रुपैयाँ पुग्नेछ।
कम्पनीको आइपीओ बिक्री प्रबन्धकमा कुमारी क्यापिटल रहेको छ।
