काठमाडौं । नेपाल धितोपत्र बोर्ड (सेबोन)का अध्यक्ष सन्तोष नारायण श्रेष्ठ र नेपाल स्टक एक्सचेन्ज (नेप्से)का नवनियुक्त प्रमुख कार्यकारी अधिकृत (सीईओ) चूडामणि चापागाइँबीच बिहीबार भेटघाट भएको छ।
भेटका क्रममा अध्यक्ष श्रेष्ठ र नेप्सेका सीईओ चापागाइँबीच पुँजी बजारका विषयमा छलफल भएको हो। श्रेष्ठ र चापागाइँबीच लगानीकर्ताको हित संरक्षण र पुँजीबजारको विकास तथा विस्तारका विषयमा छलफल भएको छ।
उक्त अवसरमा सेबोन अध्यक्ष श्रेष्ठले नेप्सेका नवनियुक्त सीईओ चापागाइँलाई बधाइ ज्ञापन एवं सफल कार्यकालको शुभकामना व्यक्त गरेका थिए।
