काठमाडौं । ओम मेगाश्री फर्मास्युटिकल्सको आइपीओ आज मंगलबार बाँडफाँड भएको छ। कम्पनीको आइपीओ नतिजा भने केही समयपछि मात्रै हेर्न मिल्ने क्यापिटलको भनाई छ । आइपीओ नतिजा सार्वजनिक भएपछि सीडीएस एन्ड क्लियरिङले आइपीओको नतिजा हेर्न बनाएको वेबसाइटबाट https://iporesult.cdsc.com.np/ बिक्री प्रबन्धकको वेबसाइट https://nmbcl.com.np/ipo र मेरो शेयरको वेबसाइटबाट https://meroshare.cdsc.com.np/#/login नतिजा हेर्न सकिने छ ।
प्रभु क्यापिटलका अनुसार यो आइपीओमा २० लाख ५६ हजार ५७६ आवेदकबाट २ करोड ४५ लाख २९ हजार ५९० कित्ता शेयरका लागि खरिद आवेदन परेको छ। जसमा १८ लाख ४८ हजार २९८ आवेदकबाट परेको २ करोड १२ लाख ८२ हजार २४० कित्ता शेयर सदर भएको छ। बाँकी २ लाख ८ हजार २७८ आवेदकबाट परेको ३२ लाख ४७ हजार ३५० कित्ता शेयर बदर भएको छ।
मागभन्दा बढी आवेदन परेकै कारण यो आइपीओ गोलाप्रथाबाट बाँडफाँट गरिएको छ। जसमा भाग्यमानी १ लाख ४७ हजार ६०० आवेदकले १० कित्ताका दरले शेयर पाएका छन्। सदर आवेदकमध्ये १७ लाख ६९८ जनाको हात खाली भएको छ।
