काठमाडौं । हाथवे इन्भेस्टमेन्ट नेपालको ६ लाख ८५ हजार बढी कित्ता शेयर बिक्रीमा आउने भएको छ।
कम्पनीका आधारभूत शेयरधनीहरुको ६ लाख ८५ हजार ७४७ कित्ता संस्थापक शेयर बिक्रीमा राखिने भएको हो। आधारभूत शेयरधनीहरुले आफूले धारण गरेको शेयरको ५ प्रतिशत वा सोभन्दा बढी कित्ता शेयर बिक्री गर्नुभन्दा १५ दिन अगावै जानकारी गराउनुपर्ने प्रावधान रहेको छ।
सोहीबमोजिम आधारभूत शेयरधनीले असोज २ गते आफूले शेयर बिक्री गर्न चाहेको विषयमा कम्पनीमा निवेदन दिएको थियो। अब कम्पनीले ३ महिनाभित्र उक्त शेयर बिक्रीमा राख्नेछ।
