काठमाडौं । आज नेप्सेमा दुई कम्पनीको १ करोड ७ लाख ७१ हजार ९२ कित्ता शेयर सूपचिकृत भएको छ । सन नेपाल लाइफ इन्स्योरेन्सको हकप्रद शेयर सूचिकृत भएको छ भने नेपाल फाइनान्सको लिलामी प्रक्रिया मार्फत विक्री गरिएको अवितरित हकप्रद शेयर सूचिकृत भएको छ ।
आज सन नेपाल लाइफको २७ प्रतिशत हकप्रद शेयर वापत १ करोड ४ लाख ७१ हजार ५९२ कित्ता हकप्रद शेयर सूचिकृत भएको हो । नेपाल फाइनान्सको लिलामी प्रक्रिया मार्फत विक्री गरिएको २ लाख ९९ हजार ५ सय कित्ता अवितरित हकप्रद शेयर सूचिकृत भएको हो । अब सो सूचिकृत शेयर भोलिबाट दोस्रो बजारमा कारोबारमा आउनेछ ।
