काठमाडौं । महानगरका मेयर बालेन्द्र शाह .(बालेन) ले युगान्तकारी आन्दोलनमा योगदान र शहादतका लागि जेन जी पुस्तालाई हार्दिक आभार व्यक्त गरेका छन्।
उनले शुक्रबार साँझ सामाजिक सञ्जाल फेसबुक पेजमार्फत सन्देश सार्वजनिक गर्दै आभार व्यक्त सँगै आन्दोलनमा ज्यान गुमाएका शहीदहरू प्रति हार्दिक श्रद्धाञ्जली प्रकट गरेका छन्।
पूर्व प्रधानन्यायाधिश सुशिला कार्की प्रधानमन्त्री पदमा नियुक्त भएपछि बालेनले यस्तो सन्देश सार्वजनिक गरेका हुन् । उनले भनेका छन्। वीर शहीदहरूको अमूल्य योगदानले भावी पुस्तालाई सधैं देश प्रेम र कर्तव्यबोधको मार्ग दर्शन गर्नेछ।
प्रिय Gen Z,
भ्रष्टाचारविरूद्धको आन्दोलनको घोषणा गरेका जेन जी लाई हौंस्याउँदै बालेनले आइतबार देखि आज शुक्रबारसम्म एक भिडियो पोष्ट सहित जेन जी आन्दोलनसँग सम्बन्धित सात वटा पोष्ट फेसबुकमा गरे।
यसबीचमा आन्दोलनको अघिल्लो दिन आइतबार उनले जेन जीको आन्दोलनमा कुनै पार्टी , नेता , कार्यकर्ता , सांसद , बहुला, अभियन्ताहरू आफ्नो स्वार्थ पूरा गर्न बाठो नबन्नु भन्दै चेतावनी दिएका थिए। लगत्तै दोश्रो पोष्टमा उनले मलाई बोल्न दे सरकार भन्ने बोलको आफ्नो र्याप गीत पोष्ट गरेका थिए।
