काठमाडौं । आइएमई लाइफ इन्स्योरेन्स कम्पनीले चालु आर्थिक वर्षको पहिलो महिना साउनमा करिब साढे २ करोड रुपैयाँको बीमा दाबी भुक्तानी गरेको छ।
कम्पनीले साउनमा ४५ वटा दाबीको भुक्तानी गरेको हो। जसअनुसार कम्पनीले ती दाबीको २ करोड ४० लाख रुपैयाँ भुक्तानी गरेको छ।
साउनको कुल दाबी भुक्तानीमा वैदेशिक रोजगार बीमाको हिस्सा धेरै रहेको छ। यो बीमाको कम्पनीले १५ दाबीको १ करोड ९४ लाख ७० हजार रुपैयाँ भुक्तानी गरेको छ।
यसैगरी परम्परागत बीमाको ६ वटा दाबीको कम्पनीले ३१ लाख २५ हजार ५६.०४ रुपैयाँ भुक्तानी गरेको छ।
कम्पनी म्यादी बीमाको २४ वटा दाबीको १४ लाख ७१ हजार २६४ रुपैयाँ भुक्तानी गरेको छ।
