काठमाडौं । विभिन्न ६ देशका नागरिकले अब भिसा शुल्क नतिरी दक्षिण कोरिया यात्रा गर्न पाउने भएका छन्।
नयाँ वर्षको सुरुआतसँगै दक्षिण कोरियाली सरकारले ती देशका पर्यटक एउटा महत्वपूर्ण उपहार दिएको हो। अब जुन २०२६ सम्म ती देशका नागरिकले कुनै पनि भिसा प्रशोधन शुल्क बिना दक्षिण कोरिया यात्रा गर्न सक्नेछन्।
दक्षिण कोरियाका अर्थमन्त्री कु युन–चोलले स्पष्ट पारेका छन् कि उनी देश भ्रमण गर्ने विदेशी पर्यटकको बढ्दो संख्यालाई रोक्न चाहँदैनन्, बरु यसलाई तीव्र बनाउन चाहन्छन्। त्यसकारण ती देशका पर्यटकका लागि छुट जुन ३० सम्म तय गरिएको छ।
अब प्रश्न यो छ यो छुट कसले पाउनेछ? यो छुट सी–३–२ श्रेणीको ‘छोटो अवधिको समूह भिसा’ लाई दिइँदैछ। यो छुट सुविधा भारत, चीन, भियतनाम, फिलिपिन्स, इन्डोनेसिया र कम्बोडियाका पर्यटकले पाउनेछन्। यी देशलाई छुट दिनुको कारण दक्षिण कोरियाको पर्यटन बजारको ती देशका पर्यटकले सबैभन्दा ठूलो हिस्सा प्रतिनिधित्व गर्छन्।
कोरियाली सरकारले यो निर्णय गर्नुको प्रमुख कारण पर्यटन क्षेत्रमा भएको ठूलो वृद्धि हो। आधिकारिक तथ्यांकअनुसार नोभेम्बरमा दक्षिण कोरियामा आउने विदेशी पर्यटकको संख्याले कोभिड–१९ अघिका सबै रेकर्ड तोडेको छ। नोभेम्बरमा लगभग १६ लाख पर्यटक कोरिया आइपुगे। जुन अघिल्लो वर्षको तुलनामा १७ प्रतिशतले वृद्धि हो।
